近日陈德容就因为
之前喺采访入面提到：
自己保养得咁好，
如果要佢做阿妈嘅角色，
对佢嚟讲简直係奇耻大辱！
wow，
斋听佢咁讲的确喺几激进下，
不过睇翻佢呢几年嘅形象，
都知佢一直好努力咁
维持自己女神嘅形象。
自己keep得咁好，
叫佢做阿妈角色就梗係
no way la！
不过旧时嘅陈德容
的确係好省镜，
浓眉大眼＋黑长直，
绝对係女神标配啦！
但娱乐圈入面，
省镜嘅女神级人马
又点知佢一个，
但女艺人不嬲都比较输蚀，
去到咁上下年纪，
自然就有人搵佢做阿妈角色。
做阿妈角色当然唔出奇啦，
剧情需要＋演员年纪合适，
生儿育女都好make sense。
好似陈凯琳咁，
未够30岁都有两个仔啦~
但如果饰演两母子嘅演员，
佢哋之间嘅年龄差都係得几岁，
咁呢啲阿妈角色就好恶顶啦！
远嘅唔讲，
旧时大家睇开嘅港剧入面，
就有好多呢啲离晒谱嘅
母子档/母女档：
商天娥
娥姐后生嘅时候
都係一枝花嚟，
出道冇耐就搭档哥哥张国荣
拍摄《侬本多情》。
几靓都好啦，
时间耐咗都係逃唔过
做人阿妈嘅现实...
但估唔到，
喺04年嘅《隔世追凶》入面，
竟然搵咗娥姐做郭晋安阿妈！
实际上商天娥只不过
係大郭晋安一年咋！
当然戏入面娥姐嘅装扮
同埋演技都做得好到位，
睇见安仔叫佢做阿妈
都唔会太出戏。
只能话生得童颜啲嘅艺人
果然係着数啲嘅~
惠英红
小红姐演技好就係人都知，
但叫小红姐做细佢7年
嘅陈小春阿妈，
都真係难为咗佢...
讲紧嘅就係07年嘅《铁咀银牙》，
小红姐当时接到
呢个角色嘅时候都话，
都唔知自己点解可以
生得出咁大个仔...
姚嘉妮
亚姐出身嘅姚嘉妮
都算係keep得比较好嘅靓妈。
但係《爱回家》入面，
竟然搵佢做马家两兄妹
嘅亲生妈妈，
真係睇到o晒嘴！
反而喺后来嘅
《她她她的少女时代》
入面佢哋扮情侣
睇落就啱feel啲啦~
车婉婉
旧年年头播出嘅《大酱园》
唔知大家有冇睇过？
饰演四位当家奶奶
之一嘅车婉婉，
喺戏入面扮佢个仔嘅，
竟然係细4年嘅黄嘉乐！
虽然黄嘉乐都几童颜，
不过话车婉婉係佢阿妈，
睇起身都好出戏下咯...
你哋觉得呢？
江欣燕
同样係旧年出街嘅
《18年后得终极告白》，
就搵咗江欣燕同黄智雯
饰演两母女。
江欣燕都算係圈中
出名嘅美魔女，
平时穿着打扮都好后生。
所以套剧出街之后，
好多网友都话
佢哋望落似两姐妹多啲咯...
不过江欣燕自己都好睇得开，
话当係挑战自己，
外形唔似就用神情语气搭救。
wow,
呢啲态度绝对要畀个like佢啦！
陈明恩
前面讲紧嘅起码都係
阿妈大啲仔女几年，
陈明恩喺《名媛望族》入面，
竟然做大佢两年嘅
黄长兴阿妈！
呢对母子档真係
横睇掂睇都唔对路咯...
呢几年唔知係咪
离巢嘅演员太多，
TVB唔够人用，
离谱母子档出现都几密下。
今日陈德容亦都解释翻
之前讲嘅“奇耻大辱”论，
佢话做阿妈唔係话唔得，
不过都要睇剧本同角色设定。
不过讲真，
女艺人的确比较输蚀，
同龄嘅男艺人仲同紧
后生女谈情说爱嘅时候，
佢哋就开始做阿妈角色。
不过一班女艺人都好pro，
杀到埋身咪做咯，
实在唔似阿妈嘅，
就演技搭救。
Any肥，
大家睇咗咁耐电视，
又点睇呢啲唔make sense
嘅母子/女档？
留言话畀可乐君知啦！
More · 今日娱乐看点
焦恩俊称与林千钰和平分手
今日，
焦恩俊喺微博回应婚变事件，
佢表示大家係和平分开~
廖启智二儿子发文感谢大家嘅关心
琴日，
廖启智嘅二仔
喺社交平台出post，
对各方嘅关心表示感激，
佢亦会好好休息，
叫大家唔好担心。
张韶涵力挺吴青峰
近日，
吴青峰因著作权纠纷一事
搞到情绪低落，
好友张韶涵琴日就发文鼓励佢，
希望佢可以振作！
资料来源：微博、豆瓣、剧照
互联网综合整理
*文中图片版权归原作者所有，如有问题，请与原作者联系
