如果你哋同小资妹一样
係抖音重度中毒者……
咁你哋一定知道
最近係抖音有一样heat到爆嘅嘢
叫做
秘！道！酒！吧！
估唔到
宜家係我哋大顺德都可以揾到了
（骄傲脸
）！
究竟实物有几隐蔽？有几反转？
废话唔多讲 去片
分类：酒吧
人均：40-80元
营业时间：20：30-凌晨2:00
地址：顺德区大良街道新基三路海景苑地铺
怀旧嘅绿格地砖
摆满杂物嘅货架
记忆中摆满维他奶嘅大冰柜
仲有墙上挂住写住“凤城冰室”四个大字嘅牌匾
点睇都系正常到不得了嘅冰室啵
咦？？米住先......
点解......冰柜入面装嘅系啤酒嘅？？
又点解......唔见人嘅？？
係经过咗三分钟嘅分(mang)析(mo)之后
小资妹终于揾到咗呢间店嘅正确打开方式……
大家嚟估下 门口系下图边度？
估左手边货架嘅朋友 恭喜你哋估啱咗
冇错 玄机就系呢个货架啦！！
打开呢个货架，
就好似打开咗多啦A梦嘅“任意门”
瞬间就从七八十年代嘅冰室穿梭到二十一世纪嘅酒吧！
跟住小资妹一齐
迎接成年人五光十色灯红酒绿嘅夜生活吧
！
温馨提示：打卡开门视频po上朋友圈一定系朋友圈里嘅一股清流
绝对呃like无数！！
推门即见吧台同埋几米高嘅酒柜！
吧台摆满各种颜色嘅酒，非常吸睛！
吧台位非常适合三五知己摸摸酒杯底谈心~
▲一杯鸡尾酒嘅诞生
仲可以顺便欣赏调酒小哥哥嘅表演
成间酒吧空间虽然唔算十分大
但布局合理 唔会俾人一种逼局嘅感觉
入店转个弯就系舞台
复古嘅紫色幕布
仿佛回到几十年前嘅上海滩
仲有舞台位可以360度无死角观看驻唱！
驻唱10点开始
(偷偷讲一句
唱歌嘅小哥哥样靓声甜 大家快d去围观）
------ 饮 品 ------
唔止装修猎奇，
连鸡尾酒都盏鬼过人！
EX
名为“前度”嘅呢杯酒，
饮落去又甜又苦，
调酒师话每晚只会整限量嘅三杯，
因为佢话整得多佢会心痛，
睇黎调酒师都系一个有故事嘅人......
紫 霞
呢杯係调酒师嘅新作，
菜单上面暂时未有。
提前帮你哋试新嘅我决定保留小小悬念，
究竟系咩味道就等你哋自己去试啦~(反正好好饮)
话说，唔知调酒师几时会出杯至尊宝呢哈哈哈哈
尼格罗尼
单价：68元
朋友选嘅呢杯尼格罗尼
上台就闻到橙皮冷冽嘅香味
入口係尼格罗尼标志性嘅迷人苦味
干金，金巴利，甜味美思 1:1:1调和嘅简单配方却做出做丰富又平衡嘅复杂口感
不过同行嘅另一位小姐姐就对呢种苦味接受无能啦
所以 选唔选呢款酒就睇你对苦味嘅接受程度啦~
草莓特饮
单价：48元
好似小资妹咁第二日仲要翻工嘅上班狗(手动@老细
就唯有拣呢杯无酒精嘅
草莓特饮~
pinky pinky嘅外观 首先颜值非常过关
闻起嚟係扑鼻嘅草莓水果糖味 超好闻～
饮落非常清新甜得嚟又唔会太漏
推荐俾唔饮酒嘅小仙女们！
草莓特调
单价：78元
呢杯草莓特调系草莓特饮嘅有酒精版本
颜值同样非常之在线！
清新之中多了一丝酒精嘅厚重感
中意清新又想小酌一杯嘅朋友
选呢杯啦~
花木兰
单价：68元
非常中国风嘅一杯酒
基酒选用陈年桂花酒
饮落如同花木兰一般英气十足
朋友话十星推荐！
酒吧二楼仲有大台同两个包间
一大班朋友劈啤选佢就最啱啦！
上联：中国境内未醉过 下联：广东省内冇对手
横批：九个六劈！
唔知坐系呢张横幅下面饮酒系咪会有加成呢hhh
店内每个角落都充满咗细节
睇得出店主嘅用心同好品味
▲等人高怀旧画报
▲兽首壁灯
连厕所门口都有惊喜！
充满欧洲中世纪复古风嘅梳妆台
係度补妆 瞬间觉得自己係仙女本人了呢
好啦，本期探店到此结束，
所谓“周五不喝酒，人生路白走”！
大家仲唔趁住周末，
啦啦霖去打卡呢间咁盏鬼嘅冰室！！
欢迎係留言区留低你哋嘅
探店感想or饮后感～
