《流行经典50年》唱极都仲有，乐迷一向知道张崇德是唱得之人，怎料今次他罕有地没有与哥哥张崇基同台演出，反与商天娥一同压轴登场，合唱张国荣陈洁灵的《只怕不再遇上》，原来娥姐不但晓演戏，因为训练班时学唱歌练好唱功，多年来被不少唱片公司力邀加盟，不过她都一一拒绝，她坦言：“其实我好被动，我唔做主动果个，我对唱歌有信心，但又唔係好大，我惊市场依家都...我都唔知呀!有人敲门，我唔係高要求，但我有要求，变咗...再等下啦，我都唔知几时安排啱时机!”
娥姐的信心，原来係慢慢累积过来：“我最初信心唔大，后来被身边好友指导，越唱越有信心，信心强咗，咪唱多啲啰，初初唱几句，之后变一首，慢慢加上去。其实我由细到大都锺意听歌，英文国语广东歌，连粤剧我都听，纯音乐我都听，就咁跳舞冇对白剧我都会睇，仲会睇到我四行眼泪!”
以表情呈现“喜﹑怒﹑哀﹑乐”，你又睇唔睇得出佢係做紧边一种?
张崇德：我锺意做戏多啲!
据《KUGOU.TV》报道，张崇德大学时期副修声乐，毕业后参加歌唱比赛夺冠，凭着独特的“二重唱”打响名堂。原来唱歌只係其中之一，最爱的係电影，他坦言：“其实我锺意演戏多过唱歌，唱歌係一个兴趣，幸运赢咗比赛踏入呢个行业，咁多年来，唱歌只係其中一个身份。”他续道：“我锺意电影的地步係，明星足球队踢波时，同曾志伟讲，我想认识电影多啲，佢话跟佢做电影副导演，最辛苦职位係副导演，但我都去做，做完我好欣赏电影工作者，原来咁难做。就算我写书创作，我都一定要睇住部电影，咁先能够刺激我做事快啲，电影係无可取替。”
事实上，张崇德在电影上的成绩远不及唱歌，唱歌几乎成为他的主要收入来源，他说：“冇人知我锺意做戏，别人想起我都是唱歌，唱歌已经好惯常，但拍嘢係好有新鲜感!我係一个唔闷得嘅人，唔锺意重覆做，例如出Hi-Fi碟，如果每年只唱一首新歌，冇新元素，我宁愿停落黎，我自己锺意舞台演戏音乐，唔係只爱做一个歌手!”